pangkah undi? - part 2

calon adun : uwan, esok jangan lupo yor poie ngundi.

uwan : tau den tu...tadi calon yang sorang laie tu ndo tibo eh....bori eh den duo olai batek lopeh.

calon adun : ese tak dapek nak bori  batek lopeh...memang takdo wan.

uwan : camtu den tak gomar kek kau...tapi cemano yo den nak tulih kek korteh undi tu esok?

calon adun : meh se ajar uwan....namo eh pon pangkah, pangkah ni tando eh kita tak gomar kek orang tu...sobab undi ni takdo tando rait...esok maso wan undi, uwan tando lar pangkah kek calon yang uwan tak gomar tu yo.

uwan  : iyo ko? timo kaseh lar ajar den...esok den tando pangkah bosar2 kek namo kau yo...sobab den tak gomar kek kau !